საზაფხულო აკადემიის ისტორია
გივი ზალდასტანიშვილის სახელობის ამერიკული აკადემიის საზაფხულო სკოლა აკადემიის კურსდამთავრებულებმა - ქეთი ხუხუნაშვილმა და ანა გეთიაშვილმა დაარსეს. საქართველოში ეს ახალი ფორმის სწავლება მათი მცდელობითა და ძალისხმევით დამკვიდრდა და განვითარდა 2008 წლის პირველი სესიიდან ვიდრე 2014 წლამდე, როდესაც პროგრამის სახეცვლილება განხორციელდა.
პირველი სასწავლო პროგრამის ფარგლებში 10-16 წლამდე 60 მოსწავლე და 30 სტიპენდიატი ესწრებოდა ინგლისურის და მათემატიკის გაკვეთილებს 4 კვირის განმავლობაში. სტიპენდიის მქონე მოსწავლეები, რომელთაგან ზოგიერთს უკვე ჰქონდა ინგლისური ენის ცოდნის გარკვეული დონე, შერჩეულ იყვნენ თბილისის და ქალაქის გარშემო რეგიონების ზრუნველობა მოკლებულ ბავშვთა სახლებიდან. ინგლისური ენის პედაგოგები ჩამოვიდნენ ამერიკის შეერთებული შტატებიდან. მათ გაიარეს სპეციალური მომზადება ინგლისურის, როგორც უცხო ენის (ESL) სწავლებაში. ხოლო, მათემატიკის მასწავლებლები შევარჩიეთ ადგილობრივი სკოლებიდან, რომლებმაც ასევე გაიარეს ტრენინგი საქართველოში. გაკვეთილების დროს ასისტენტების ფუნქციას ასრულებდნენ ინგლისური ენის მასწავლებლები პანკისის ხეობიდან (ჩრდილოეთი საქართველო) და სპასოვკიდან (სამხრეთი საქართველო) - ეს სამუშაო ასევე იყო მათი პროფესიული გადამზადების პროგრამის ნაწილი.
მასწავლებელთა ტრენინგისა და აღზრდის პროგრამამ მათემატიკის და ინგლისურის ახალ და გამოუცდელ მასწავლებლებს საქართველოს ნაკლებად განვითარებული რეგიონებიდან მისცა საშუალება მონაწილეობა მიეღოთ გაკვეთილების იმგვარი გეგმის მომზადებასა და განხორციელებაში, რომლებიც მოიცავდა ენის სწავლებას ინტერაქტიული მეთოდიკის გამოყენებით, მიზნობრივ მეცადინეობას კლასში მათემატიკის სწავლისას და საკლასო პროექტების შემუშავების მეთოდის შესწავლას. ჩვენი მიზანი იყო მოწვეული მასწავლებლებისთვის გაგვეცნო სწავლების ახალი მეთოდები და დავხმარებოდით მათ თანამედროვე ინტერაქტიული მიდგომების გამოყენებაში. საზაფხულო სკოლის პროგრამის მიზანი იყო, რომ ჩვენ სტიპენდიანტებს დავხმარებოდით ინგლისური ენის, მათემატიკაში და სხვა დამატებითი საგნების და უნარების ათვისებაში და განვითარებასში, რაც გამოადგება მათ დასაქმების და განათლების სამომავლო პერსპექტივების ძიებისას.
2009 წლის ივლისში საზაფხულო სკოლამ გააგრძელა ეს პროგრამა და ამჯერად აშშ-ის საერთაშორისო განვითარების სააგენტოს (USAID) მხარდაჭერით. ამ პროგრამის მიზნობრივ ჯგუფში შედიოდნენ წეროვანის დასახლებაში მცხოვრები დევნილები - 10-16 წლამდე 25 მოსწავლე და 10 მასწავლებელი. პროგრამამ დიდი წარმატებით ჩაიარა. საზაფხულო სკოლის მიწურულს დევნილთა ჯგუფი შეხვდა აშშ-ის ვიცე-პრეზიდენტ ჯო ბაიდენს და აშშ-ის და საქართველოს სხვა ოფიციალურ პირებს. მოსწავლეებმა შეძლეს წარმოეჩინათ მათ მიერ საზაფხულო სკოლაში მიღებული ინგლისური ენის ცოდნა.
საზაფხულო სკოლის პროგრამის გრძელვადიანი ამოცანაა შესაძლებლობა მივცეთ ჩვენს სტიპენდიანტ მოსწავლეებს ამერიკული აკადემიის მისაღები გამოცდები დასძლიონ. ამ ამოცანის გათვალისწინებით, ხუთი მოსწავლე 2009 წლის პროგრამიდან დაბრუნდა 2010 წლის საზაფხულო პროგრამაში. USAID-მა გამოხატა ინტერესი ხელი შეუწყონ მოსწავლეებს ამ გრძელვადიანი შედეგის მიღწევაში. 2011 წლის ივლისში საზაფხულო სკოლამ მიიღო პატარა გრანტი დემოკრატიის განვითარების კომისიის მცირე გრანტების პროგრამის ფარგლებში, რათა დაეფინანსებინა პანკისის ხეობიდან ჩამოსული 6 მოსწავლის სწავლის ხარჯები.
