საქართველოს დებატების ეროვნული ტურნირი
ივლისი 24, 2022
მოხარულები ვართ გაცნობოთ, რომ ჩვენი სკოლის დებატკლუბის მოსწავლეები, კატო დადიანი და მარიამ გურაბანიძე, საქართველოს დებატებისა და განათლების ინსტიტუტის (GIDE) მიერ ჩატარებული საქართველოს დებატების ეროვნული ტურნირის საუკეთესო მომხსენებლები გახდნენ. მასშტაბურ ტურნირში არსებული დებატკლუბების 700-მდე მოსწავლისგან შერჩეული საუკეთესო გუნდები იღებდნენ მონაწილეობას მთელი საქართველოდან.
ღონისძიებაზე მოსწავლეები სპეციალური საჩუქრებით, სერტიფიკატებითა და თასებით დააჯილდოვეს განათლებისა და მეცნიერების მინისტრის პირველმა მოადგილემ, პარლამენტის განათლებისა და მეცნიერების კომიტეტის თავმჯდომარის პირველმა მოადგილემ, გუდავაძე-პატარკაციშვილის ფონდის დირექტორმა, თბილისის და ილიას სახელმწიფო უნივერსიტეტების რექტორებმა და სხვა მხარდამჭერებმა.
ეროვნული ტურნირი ჩატარდა პროექტის "დებატები უკეთესი განათლებისთვის" ფარგლებში, რომელიც მხარდაჭერილია "გუდავაძე-პატარკაციშვილის ფონდის" მიერ.
მთელი გულით ვულოცავთ ჩვენს მოსწავლეებს ასეთ დიდ წარმატებას და მადლობას ვუხდით საქართველოს დებატებისა და განათლების ინსტიტუტს, ასეთი მასშტაბური და საინტერესო ტურნირის ჩატარებისთვისა და ამერიკულ აკადემიასთან მრავალწლიანი თანამშრომლობისთვის!
ღონისძიების ფოტომასალა
