ამერიკული აკადემიის ახალი პროექტი “Learn Math with TIMA”
ივნისი 03, 2022
ამერიკული აკადემიის მეთორმეტე კლასელებმა, თიკა ნაზრიშვილმა და მარიამ ხადურმა წარმოადგინეს ახალი პროექტი “Learn Math with TIMA”.
მათ შეადგინეს ინგლისურ - ქართული განმარტებითი მათემატიკური ლექსიკონი, რომლის მიზანია ქართველი მოსწავლეების დახმარება მათემატიკური ტერმინების ინგლისურად შესწავლაში. ლექსიკონი შეიცავს 1135
მათემატიკურ ტერმინს, საიდანაც თითოეულ სიტყვას თან ერთვის განმარტებები და ხელით დახატული ვიზუალური მასალა.
უკრაინაში მიმდინარე ტრაგიკული მოვლენების გათვალისწინებით, მოსწავლეებმა ამ პროექტის ფარგლებში პდფ ვერსიის გაყიდვით 2030 ლარი შეაგროვეს. შემოწირული თანხა სრულად გადაირიცხა უკრაინის დასახმარებლად ფონდ „სიცოცხლის ხე“-ში.
დიდი მადლობა ყველას თანდგომისთვის და გაწეული დახმარებისთვის.
განსაკუთრებული მადლობა ლექსიკონის რედაქტორს , ამერიკული აკადემიის მათემატიკის მასწავლებელს, ირმა ჭელიძეს.
