ბარბარე მელიქიძეს წარმატება დებატების ტურნირის კონკურსში
მაისი 23, 2022
გვიხარია გაცნობოთ, რომ ჩვენი სკოლის დებატკლუბის მოსწავლე, ბარბარე მელიქიძე, Georgian Institute for Debate and Education • GIDE -ის მიერ ჩატარებული კონკურსის შედეგად მოხვდა საუკეთესო ხუთეულში და გახდა საერთაშორისო დებატების ტურნირის წარმატებული მონაწილე
კონკურსში მონაწილეობას იღებდნენ დებატკლუბები მთელი საქართველოდან, ხოლო საერთაშორისო ტურნირში ჩართული იყო 600-ზე მეტი მოდებატე მსოფლიოს 40 ქვეყნიდან.
ჩვენთვის ორმაგად სასიხარულოა, რომ ბარბარე საერთაშორისო მოდებატეების საუკეთესო ათეულშიც მოხვდა.
საგანგებოდ შერჩეული მოსწავლეები დაჯილდოვდნენ განათლებისა და მეცნიერების სამინისტროში სპეციალური საჩუქრებითა და სერტიფიკატებით, მინისტრის პირველი მოადგილის, თამარ მახარაშვილის მიერ, რომელმაც ასევე საგანგებოდ მოაწყო დამატებითი შეხვედრა ქართულ დელეგაციასთან
ქართული წარმომადგენლობა დაკომპლექტდა პროექტის "დებატები უკეთესი განათლებისთვის" ფარგლებში, რომელიც მხარდაჭერილია Gudavadze Patarkatsishvili Foundation -ის მიერ და ხორციელდება განათლებისა და მეცნიერების სამინისტროსთან თანამშრომლობით.
მთელი გულით ვულოცავთ ჩვენს მოსწავლეს ასეთ დიდ წარმატებას და მადლობას ვუხდით საქართველოს დებატებისა და განათლების ინსტიტუტს, რომ საერთაშორისო ასპარეზზე გასვლის ასეთი უნიკალური შესაძლებლობა მოგვცა!
