დებატკლუბის წევრების წარმატება დებატების საერთაშორისო ტურნირზე
ნოემბერი 21, 2024
გვიხარია გაცნობოთ, რომ ჩვენი სკოლის დებატკლუბის მოსწავლეები, თეკლა ნაცვლიშვილი, ეკატერინე მაღლაკელიძე, ნუცა კაკიაშვილი და ნინო სალია Georgian Institute for Debate and Education • GIDE -ის მიერ ჩატარებული კონკურსის შედეგად მოხვდნენ საქართველოს საუკეთესო ოთხეულში და მიიღეს მონაწილეობა დებატების საერთაშორისო ტურნირში.
საერთაშორისო ფორუმში, რომელიც გაიმართა ონლაინ, 100-მდე მონაწილე ჩაერთო მსოფლიოს 13 სხვადასხვა ქვეყნიდან, როგორიცაა გაერთიანებული სამეფო, იტალია, გერმანია, მაროკო და სხვა.
დელეგაციას უხელმძღვანელა დებატების საერთაშორისო ტრენერმა, ქეთო მაღრაძემ, რომელმაც აქტიურად იმსაჯა ტურნირზე.
ქართული წარმომადგენლობა დაკომპლექტდა პროექტის "დებატები უკეთესი განათლებისთვის" ფარგლებში.
მთელი გულით ვულოცავთ ჩვენს მოსწავლეებს ასეთ დიდ მიღწევას, ვუსურვებთ მათ წარმატებებს და მადლობას ვუხდით საქართველოს დებატებისა და განათლების ინსტიტუტს, რომ საერთაშორისო ასპარეზზე გასვლის ასეთი უნიკალური შესაძლებლობა მოგვცა.
ჩვენს სკოლაში აქტიურად გრძელდება დებატების კლუბის ახალი ჯგუფების მუშაობაც, რომელთა მონაწილეებს მომავალში ასევე ექნებათ შესაძლებლობა ჩაერთონ სხვადასხვა საერთაშორისო ფორუმებში.
ფოტო: GIDE
