"Key Club“ ამერიკულ აკადემიაში: სოციალურად დაუცველი ბავშვების მხარდაჭერის ღონისძიება
ნოემბერი 18, 2024
გასულ წელს, ჩვენმა მეთორმეტე კლასის მოსწავლემ, ანასტასია მრელაშვილმა, ამერიკულ აკადემიაში დააფუძნა „Key Club“ – საერთაშორისო ორგანიზაციის პირველი წარმომადგენლობა საქართველოში. მისი მთავარი მისიაა, დაეხმაროს სოციალურად დაუცველ ადამიანებს და ხელი შეუწყოს მათი ცხოვრების გაუმჯობესებას.
დღესდღეობით, „Key Club“ ყველაზე სწრაფად მზარდი და მასშტაბური კლუბია სკოლაში, რომლის წევრთა რაოდენობა უკვე 100-ს აჭარბებს.
22 ოქტომბერს, კლუბმა სკოლაში გამართა საქველმოქმედო ღონისძიება (Bake and Crafts Sale) და მიღებული თანხით, 8 ნოემბერს, კლუბის წევრებმა მოინახულეს ბავშვთა სახლი „ცისარტყელა“, რომელიც ზრუნავს სოციალურად დაუცველ ბავშვებზე.
კლუბის წევრებმა ბავშვებს საჩუქრად გადასცეს სათამაშოები, წიგნები და საკვები, მათ შორის პიცა და დონატები, რითაც ბავშვებს განსაკუთრებულად გაუხალისეს ერთი დღე.
