ყოველკვირეული შეკრება
სექტემბერი 23, 2024
13 სექტემბერს ყოველკვირეული შეკრება (Assembly) დირექტორის მიმართვით დაიწყო და კლუბების პრეზენტაციებით გაგრძელდა. მან ისაუბრა ამ ყოველკვირეული შეხვედრების მნიშვნელობის შესახებ. მოსწავლეებმა აუდიტორიას სხვადასხვა კლუბი წარუდგინეს, რომელშიც ყველა დაინტერესებულ მოსწავლეს შეეძლება გაწევრიანება.
მოსწავლეების კლუბებში ჩართულობა ხელს შეუწყობს მათი საკომუნიკაციო და კრიტიკული აზროვნების უნარების განვითარებას, აგრეთვე შესაძლებლობას მისცემს მოსწავლეებს გამოავლინონ ნიჭი და უნარ-ჩვევები, რომლებიც ერთ-ერთი უმნიშვნელოვანესი კომპონენტია უნივერსიტეტებში ჩარიცხვის დროს.
ასევე, შეკრებაზე, მეთერთმეტე კლასის მოსწავლეებმა, გაცვლითი პროგრამის ფარგლებში, პერუში მოგზაურობის შესახებ მიღებული გამოცდილება გაუზიარეს დამსწრეებს.
