გივი ზალდასტანიშვილის 104 წლის იუბილე
ნოემბერი 01, 2023
დღეს გივი ზალდასტანიშვილის 104 წლის იუბილეა. ადამიანის, რომელმაც ყველაზე მყარი და საიმედო გზით - ახალი თაობების განათლებით და მათთვის ახალი შესაძლებლობების შექმნით - წარუშლელი კვალი დატოვა ჩვენი ქვეყნის ისტორიაში.
ვულოცავთ ამ დიდი ადამიანის დაბადების დღეს მისი დიდი ოჯახის წევრებს, ამერიკული აკადემიის ყველა თაობის მოსწავლეებს, მასწავლებლებს და ყველა ადამიანს, ვინც ბატონი გივის ჩაფიქრებულ, ჩვენი აკადემიის უმთავრეს იდეას იზიარებს და ცოდნის, სიკეთის თანხვედრით სასიკეთო ცვლილებები მოაქვს ქვეყნისთვის.
ფოტო ამერიკული აკადემიის არქივიდან. მარცხნიდან მარჯვნივ: დონალდ თომასი, დამფუძნებელი დირექტორი; გიორგი მჭედლიშვილი, მათემატიკის მასწავლებელი, გივი ზალდასტანიშვილი, ამერიკული აკადემიის დამფუძნებელი, სიმონ ჯანაშია, ისტორიის მასწავლებელი . ჰარვარდის უნივერსიტეტის ეზო, გამოსაშვები ცერემონიალის შემდეგ.
