აკადემიაში დამფუძნებლის და აკადემიის დღე აღინიშნა
ივნისი 07, 2023
2023 წლის 25 მაისს ამერიკულ აკადემიაში ტრადიციულად სკოლის დამფუძნებლისა და აკადემიის დღე აღინიშნა.
პანდემიის გამო ბოლო ორი წელია ამერიკულ აკადემიას ეს დღე არ აღუნიშნავს და მოხარული ვართ, რომ წელს ისევ მოგვეცა შესაძლებლობა აკადემიის ახალი თაობისთვის მოგვეთხრო ჩვენი სკოლის ისტორია და გაგვეცნო მათთვის ამერიკული აკადემიის დამფუძნებლების იდეები და ხედვები, რომლებითაც ჩვენი სკოლა დაარსების დღიდან დღემდე აგრძელებს საგანმანათლებლო ცხოვრებასა და განვითარებას.
აღნიშნული ღონისძიება ორი ნაწილისგან შედგებოდა: დილით მოსწავლეებმა სკოლის ისტორიის ამსახველი დოკუმენტური ფილმი ნახეს, რომელშიც აკადემიის დამფუძნებლები - ბატონი გივი ზალდასტანიშვილი, მამუკა ხაზარაძე, გიორგი ბაზღაძე და სკოლის დამფუძნებელი დირექტორი - დონალდ თომასი სკოლის დაარსებასა და მის პირველ დღეებზე უყვებოდნენ მაყურებელს. სკოლის ისტორია აკადემიის მასწავლებელთა მოგონებებით შეივსო.
საღამოს კი აკადემიის დღე აღინიშნა, სადაც მოსწავლეებმა მათ მიერვე დადგმული ცეკვები შეასრულეს შერჩეული ისტორიული თემების გათვალისწინებით.
მადლობა ყველა მონაწილესა და სტუმარს, ვინც ჩვენთან ერთად იზეიმა აკადემიის დღე.
