კლასგარეშე აქტივობების პრეზენტაცია
სექტემბერი 25, 2019
ამერიკული აკადემია მნიშვნელოვნად მიიჩნევს მოსწავლეთა აქტიურ მონაწილეობასა და ურთიერთქმედებას არა მხოლოდ საკლასო მეცადინეობების დროს, არამედ კლასგარეშე ღონისძიებების ფარგლებში. ეს აქტივობები გაკვეთილების შემდეგ ან შაბათს ტარდება და წლიდან წლამდე მოსწავლეთა მოთხოვნების შესაბამისად გარკვეულ ცვლილებებს განიცდის.
კლუბებმა შეიძლება იმუშაონ დამოუკიდებლად ან მასწავლებლის ზედამხედველობით.
წელს, აკადემიაში 21 კლუბისა და რამოდენიმე არჩევითი კურსის პრეზენტაცია ჩატარდა. აკადემიის მოსწავლეებმა შემდეგ წრეებსა და არჩევით საგნებში გამოხატეს მონაწილეობის სურვილი: დებატები, შაბათის სკოლა, გაეროს მოდელირება, პროგრამირება, ანიმე, მათემატიკა, ფილმების ჩვენება, ლიტერატურის მოყვარულთა წრე, რობოტიკა, ფოტოგრაფია, ავტომობილის მართვის თეორიული კურსი, აკადემიის გაზეთი, და სამი არჩევითი კურსი - დრამა, ხატვა და იტალიური ენა.
